Kosove, punëtorët e Fabrikës së tubave udhëzohen nga pronari i ri që të kërkojnë për punë

Punëtorët e Fabrikës së Tubave të Ferizajt, nuk kanë mundur të shkojnë të mërkurën në vendet e punës, pasi dyert e fabrikës ishin mbyllur, ndërsa në hyrje ishte vendosur një njoftim, në të cilin thuhej:”Ju lutemi, informohuni se që nga sot, 21. 11. 2007, IMK Fabrika e Tubave është privatizuar dhe transferi i pronësisë është bërë. Pronari i ri dëshiron të gjithë ish-punëtorët e IMK-së të aplikojnë për vende pune....Lista finale do të shpallet sa më shpejt që të jetë e mundur për rifillimin e punës”.