Turqia dhe Greqia, hapin linjën e gazit ballkanik

Nga ky naftësjellës do të mund të transportohen gati 12 miliardë kub gaz në vit, ku tre miliardë do të jenë për Greqinë dhe pjesa tjetër që mbetet për Evropën.

Rivalët e vjetër Turqia dhe Greqia kanë inaguruar më në fund nisjen e punimeve për një gazsjellës që do të sjellë gaz nga Deti Kaspik në Evropë. Tayyip Erdogan dhe kryeministrit grek Kostat Karamanlis, kanë shtrënguar duart gjatë një takimi të shkurtër në një zyrë rezidenciale pranë lumit Evros që ndan të dy vendet.

Ky projekt, duket se do të forcojë edhe lidhjet mes dy vendeve ish-armike. Në një ceremoni të zhvilluar në Ispala në pjesën turke të kufirit, Erdogan ka theksuar se 'jemi duke formuar një pozicion dhe një vend të duhur për transportimin e energjisë'.

Karamanlis ka vlerësuar liderin turk në fjalën e tij, duke shtuar se ky veprim con edhe më tej Turqinë drejt një hapi të sigurt në Bashkimin Evropian, duke stabilizuar edhe më shumë rajonin tonë. Greqia dhe Turqia po diskutojnë për rajonet ku do të kalojë gazsjellësi nëpër det nga zona e Qipros me një gjatësi prej 285 kilometrash që lidh zonën mes Karacabey në Turqi dhe Komotini në Greqi.