Në fshatrat kineze pakësohen çdo vit 1.7 milionë të varfër

Agjencia kineze e lajmeve Hsinhua njoftoi se më 15 nëntor, drejtori i zyrës së ndihmës ndaj të varfërve pranë Këshillit të Shtetit të Kinës Fan Xiaojian u shpreh se pas hyrjes në shekullin e 21-të, në fshatrat kineze pakësohen çdo vit më se 1.7 milionë të varfër dhe është shpejtuar dukshëm pakësimi i të varfërve.
Fan Xiaojian tha se qysh nga ky vit, qeveria kineze do të krijojë në fshatrat e mbarë vendit sistemin e sigurimit të nivelit më të ulët të jetesës dhe problemi i ushqimeve dhe i veshmbathjes i të varfërve në fshat ka shpresë të zgjidhet.
 

Sipas njoftimit të Agjencisë Kineze të Lajmeve Hsinhua, zv.ministri i Punëve Civile i Kinës Li Liguo tha më 15 nëntor se këtë vit në Kinë 7 milionë e 600 mijë banorë në vështirësi ekonomike përfituan nga sistemi i ndihmës mjekësore të qyteteve e fshatrave.

Li Liguo tha se për të zgjidhur problemin e vështirësisë së masave popullore në shërbimet mjekësore, duke filluar nga fundi i vitit 2003, në krahinat e ndryshme të mbarë vendit filluan punët ndihmëse të shërbimeve mjekësore në qytete e fshatra. Tani në 86 % të qyteteve e distrikteve është krijuar sistemi i ndihmës së shërbimeve mjekësore, kurse ky sistem pothuajse është vendosur në të gjitha fshatrat.

Li Liguo tha se megjithëse ndihma me shërbime mjekësore ka arritur rezultate të dukshme, ajo është ende larg kërkesave.