Shërbimet rritjen më të lartë në Shqipëri ($)

Sektori i shërbimeve është karakterizuar nga një normë mesatare rritjeje më e lartë se ajo e sektorëve të tjerë, ndërkohë që rritja e shitjeve në sektorët e transportit dhe telekomunikacionit ka qenë më e moderuar, njofton Banka e Shqipërisë, në raportin e fundit të saj.
     Sipas BSH-së, gjatë këtij vitit u evidentua prirje rritëse në ritmet vjetore të vëllimit të shitjeve edhe në sektorin e industrisë. Ndërkohë që në tremujorin e katërt 2007, shitjet shënuan një rritje prej rreth 22.8 për qind, krahasuar me të njëjtën periudhë të një viti më parë. Ky përbën edhe ritmin më të lartë të shitjeve, të regjistruara në gjashtë vitet e fundit. Shitjet në nënsektorin e industrisë nxjerrëse, u dyfishuan në krahasim me një vit më parë.
     Sipas BSH-së, një ecuri e tillë u reflektua edhe në nëndegë të industrisë së rëndë, si ajo e rafinimit, e metalurgjisë dhe e përpunimit të metaleve, që janë të lidhura drejtpërdrejt me industrinë nxjerrëse. Këto nëndegë, shënuan ritme të larta rritjeje krahasuar me një vit më parë. Sektori i industrisë përpunuese rezultoi me një rritje të qëndrueshme, me rreth 28.5 përqind. Kontribut pozitiv në këtë ecuri dhanë edhe ritmet e larta rritëse në nëndegët e industrisë së lehtë.     
     Ndërkohë, nënsektori i energjisë elektrike, ujit dhe gazit, shënoi vlera shitjeje, pothuaj të njëjta si edhe një vit më parë.