Bari, qendër italo-shqiptare për kerkimet ekonomike

Qendra do të shërbejë për kërkime ekonomike, sociale si dhe integrimin e sistemeve prodhuese të Italise dhe Shqipërisë.

Prezantohet sot ne fakultetit e Ekonomisë dhe Tregtisë në Bari, qendra Italo-Shqiptare për kërkimet ekonomike dhe sociale.
Projekti financohet nga programi Interreg/Cards 2004-2006.

Iniciativa prezantohet sot nga përfaqësuesi i pushtetit lokal për çështjet e Ballkanit Silvia Godelli, drejtoresha e marrëdhënieve me jashtë ne qeverinë shqiptare, Patris Hida, si dhe nga prof. Giovanni Ferri, Drejtor i departamentit të shkencave ekonomike në Bari.

Qendra do të shërbejë për kërkime ekonomike, sociale si dhe integrimin e sistemeve prodhuese të Puglia-s dhe Shqipërisë. Qendra parashikohet të zhvilloje përveç analizave, dhe kërkime te standardeve ndërkombëtare, për temat e ekonomisë dhe zhvillimit, trajnime për imprenditorët (biznesmenët) e rinj, të aziendave të vogla dhe të mesme, sapo të diplomuar dhe funksionare të administratës publike.

Një qendër e tille do të japë dhe konsulta për politikat e bashkëpunimit ndërkombëtar, dhe do të kontribuojë për zhvillimin e qëndrueshëm territorial nëpërmjet procesit të internacionalizacionit, te aktiviteteve te vogla te biznesit shqiptar dhe te huaj.