Penryn, procesori i ri 45 nm i Intel-it me 4 GHz ($)

Rrallë herë gjërat duken kaq mirë për Intel si tani. Tamam 18 muaj pas nxjerrjes nga Intel të procesorit Core 2, shitësit po i zëvendësojnë ato me procesorë të cilët kanë strukturë më të vogël, nga 65 nm në 45 nm. Penryn i hreferohet një familjeje të re të Intel-it asaj të 45 nm me dy dhe 4 bërthama. Intel tani po përgatitet për hapin tjetër, në platformën Nehalem. Sidoqoftë kjo i lihet të ardhmes dhe nuk do të dalë në treg përpara fundit të 2008

Arkitektura e Conroe i cili rrit performancën, përmban funksione të reja dhe më e rëndësishmja kursen energjinë, është gati në treg. Deri tani procesorët Core 2 zinin vendin e dytë pas procesorit të AMD, Athlon 64 X2, cili kursente energji më shumë sidomos në gjendje qetësie. Sidoqoftë situata ka ndryshuar me nxjerrjen e Core 2 Penryn ekstrem QX9650, të Intel-it.

Njëkohësisht, Intel ka bërë gjithashtu ndryshime rrënjësore në proceset e prodhimit. Në vend të prodhimit të transistorëve MOSFET nëpërmjet teknikës tradicionale me oksidin e silikonit që nga 1960, Intel tani fabrikon transistorë duke përdorur teknikën dielektrike High-K. Si rezultat, bërthama Penryn është përmirësuar disa herë po të krahasohet me paraardhëset e saj.

Procesorët e rinj, të cilët kanë një teknologji 45 nm, jo vetëm konsumojnë shumë pak energji, por ato ofrojnë dhe një mundësi të rritjen së shpejtësisë së tyre. Edhe kur ato punojnë në limitin e tyre ato konsumojnë një sasi të njëjtë energjie me Core 2 e sotëm. Me instruksionet e reja SSE4 dhe me nivelin e dytë kashe të tyre me 12 MB memorie ato kanë një rritje të madhe në cilësinë e punës së tyre.